il napoli

E’ arrivato ‘o Livorno. Agli amaranto
ca  fermajeno l’Inter di Mnacini
l’amma fa, cu rispetto, un m…. tanto.
Teneno doje straniere: i Filippini,
 
ca  nun so’ niente a fronte ‘e Lucarelli,
ca fujette pe  solde in Ucraina.
L’impermebile giallo di Spinelli
starrà tutt’a partita ncopp’e spine.

‘O Napule accummencia a testa bassa,
se rarafà cu Hamsik e Gargano,
ma ‘o Livorno s’astregne: nun se passa.
Spara forte Domizzi, da luntano,

e doppo,’e capa, l’occasione è bona:
ncopp’o corner, fuje bella l’incornata,
ma ‘o portiere c’o nomme ‘e na guagliona
-Amelia! – s’è avutato, e l’ha pigliata.

Asfissiante, continua ed azzeccosa
‘a marcatura ncopp’ a Zalayeta.
Ma quando esce ‘a pantera, e trase Sosa
‘o vire: jesce a lana, e trase ‘a seta.

‘A  nu momento s’è cagnato ‘o juoco:
‘a partita è cagnata, all’intrasatta.
Nu colp’e testa va  fuori di poco,
nu palo, ‘o gol: e pure chesta è fatta!