il napoli

‘A frase ‘e De Filippo s’è cagnata.
Al San Paolo adda venì, a nuttata:
ca tutt’e squadre ca ‘ncuntrammo ‘e notte
se ne so ghiute ‘a ccà cu ll’osse rotte.

E’ scuro, sì, ma ncopp’o campo è chiaro:
da dietro a tutti lancia  Cannavaro
a Superman. A chi? Supermannini:
e ‘o gol, p’o  Pocho, è un gioco da bambini.

Cchiù tarde ‘a Fiorentina cade a pezzi:
n’ata vota pe merito ‘e Lavezzi,
c’o pallone dà ‘o tu, mica dà ‘o lei.
Chest’è ‘o siconno. Ma addò stive, Frey?

Nun ce tenimme cchiù, d’a cuntentezza.
“Ma comme! Da Firenze, sta munnezza
ce l’avite mannata fin’a ccà?”
V’avimme accise; chesta è ‘a verità.

V’avimme surclassate, e di parecchio.
Tenite ‘o Battistero e Ponte Vecchio,
ma Santacroce ce l’avimme nuje.
Bona Pasca, guagliò! Salute a vuje!