il napoli

E’ assaje bello, overamente:
propio ‘ncopp’a Cattedrale
tra l’applause d’a gente
vola un’aquila reale.

Risa, allucche, balle e cante,
stanno allère, ‘e portoghese:
n’anno viste tante e tante,
so’ abituate a grand’imprese.

Ea ruggì comm’o lione,
Napule: nunn’ea sta muollo,
pecchè a chi se fa puntone
vene ‘o cane, e ‘o piscia ‘ncuollo.

E la squadra, chianu chiano,
se sistema ncopp’o campo,
e ‘a partita ‘a piglia mmano,
fino a che nun vene ‘o lampo:

Cannavaro piglia ‘o palo,
ma po’ spreca l’uruguaggio
(‘i che bestia, che animalo!)
Doppo sbaglia pure Maggio.

Mò magnammoce ‘o limone.
Rete perza, rete presa:
Nuje perdettem’ occasione,
loro no, dint’a ripresa.

E stu sogno se n’è ghiuto.
‘I che raggia, che peccato!
Coppa UEFA, te saluto:
mò penzamm’o campionato!