speciale
rss

Mal di Gol

29-03-09 - categoria Mal di Gol

(P)RIMA E DOPPO
(Componimento pe’ l’arrivo ‘e Roberto Donadoni)

Ma ce starrà, nu’ dio d’e rimatore?
Chillo c’a D chiù grossa, è d’e poeti:
‘i sto parlanno d’e fravecatore
d’a penna, ca so’ miez’analfabeti.

A fà ‘a rima cu Rossi o cu Spalletti,
e pure cu Prandelli e Novellino
nun c’è bisogno d’essere Ungaretti:
nun serve nu scrittore troppo fino.

Pe’ me, quatt’anne di sudori freddi.
“Ma comm’a faccio chesta rima, comme,
cu stu maronna ca se chiamma Edy,
e po’ Reja (che cancher’e cugnomme!)”

M’a risolto il problema ‘o presidente,
ca s’è ‘ncuntrato cu’ Marino ‘e notte:
“Reja ‘o mannammo: nun ce ‘mport’e niente”,
e accussì m’a levato a miez’e botte.

E mò, qua nomme streuzo arrivarrà?
Aurè, Pierpaolo, siete stati buoni:
pe’ ripartire, pe’ c’arrepiglià
avite scelto un grande: Donadoni.

Cu chistu nomme, è facile, a fà ‘a rima,
pure pe’ me, ca songo poc’esperto.
Avite visto? Già aggio fatt’a prima,
e mò pur’a siconna: cu “Roberto”.

Donadò, ‘nterra ccà si ‘o benvenuto:
nuje t’o dicimmo tuttequante, in coro.
Napulità, mò basta, a stà abbeluto:
sarrà, sta squadra, nu capolavoro!

Tags: , , , ,

Valid XHTML 1.0 Transitional Valid CSS!