Reggina-Napoli 1-1 15 marzo 2009

REGGINA-NAPOLI 1-1 (IN NAPOLETANO)

15-03-09 - categoria Poesie in napoletano 2008-2009

Sta assettato in panchina, ‘o presidente:
è venuto c’a squadra fino a Reggio.
L’a ditto chiaro: almeno nu pareggio.
Marino pare Buddha, ma ch’e lente.

Dint’a città d’e bronzi di Riace
oggi debutta il nuovo allenatore:
Napoli, jamma belle, anema e core,
falle vedè ‘e che cosa sì capace!

Ma pe mezora, quann’o buò sapè,
‘o Napule è nu muorto ca cammina.
E già: chi nunn’è buono per il Re-
ja, nunn’è buono manco p’a Reggina!

So’ muolle e musce, sti centrocampiste,
e nun s’o vonno togliere, stu vizio.
Fanno l’errore c‘ammo sempe viste:
più che lo spazio, attaccano l’ospizio.

E’ nu Napule fermo, timoroso,
chien ‘e paura de fernì all’inferno.
Corradi segna, po’ se va al riposo.
Nu quarto d’ora: o nu riposo eterno?

Ma grazi’o cielo, quanno torna in campo
‘ a squadra ll’ave, doje o tre occasioni,
fin’a che dint’all’area guizza ‘o Lampo:
è Lavezzi, che anticipa a Puggioni.

Il Napoli a stu punto è chiù convinto,
ed il futuro pare già diverso.
Manco stavota, è overo, abbiamo vinto,
ma per lo meno, nunn’avimmo perso!